Денес имавме можност да уживаме во Панел дискусија на тема: Справување со стереотипи преку стил, театар и знаковен јазик и МОДНА РЕВИЈА на која беа претставени уникатни дела изработени од учениците од текстилната струка.
Преку својата креативност, посветеност и стекнатите вештини, учениците покажаа дека модата е уметност, начин на изразување и простор за иновации.
Настанот беше реализиран во соработка со SIEC, за што од им благодариме. 
Со оваа идеја уште еднаш ја потврдивме важноста на партнерствата кои им овозможуваат на младите да ги развиваат своите таленти и професионални компетенции.
Особена благодарност до присутните гости – г-ѓа Жаклина Пешевска, пратеничка во Собранието на Р Македонија и г-ѓа Снежана Трпевска, Советник во Владата на Македонија и национален координатор за лица со попреченост, како и гостите од Букурешт, Романија за присуството и несебичната поддршка на настанот.
Упатуваме голема благодарност до учениците, до нашите колеги Љубиша Савески и Викторија Волак, како и до сите останати кои со својот труд и ентузијазам се погрижија за беспрекорност на овој значаен настан.
Заедно денес создадовме вистинско модно доживување. 
